ऑनलाईन टीम/तरुण भारत
बिहारची राजधानी पाटणा येथे स्पाइसजेटच्या विमानाचे विमानतळावर इमर्जन्सी लँडिंग (Patna Airport Emergency Landing) करण्यात आले. इंजिनमध्ये बिघाड झाल्याने आग लागली. यामुळे विमानाचे इमर्जन्सी लँडिंग करण्यात आले. विमानाचे लँडिंग केल्याने मोठा अपघात टळला आहे.
दरम्यान, मिळालेल्या माहितीनुसार, फ्लाइटच्या टेक-ऑफनंतर, इंजिनमध्ये आग लागल्याची माहिती मिळाली, त्यानंतर विमानाचे विमानतळावर इमर्जन्सी लँडिंग करण्यात आले. यामुळे मोठी दुर्घटना आणि जीवितहानी टळली.
सुदैवाने या घटनेत कोणतीही जीवितहानी झाली नाही. या विमानात १८५ प्रवासी होते, सर्व सुरक्षित आहेत. वैमानिकाच्या सावधगिरीपणामुळे मोठी दुर्घटना टळली. विमानतळ अधिकाऱ्याने सांगितले की, दिल्लीला जाणाऱ्या स्पाइसजेटच्या फ्लाइटचे इंजिनमध्ये बिघाड झाल्याने त्याचे पाटणा विमानतळावर लँडिंग करण्यात आले.
विमानाचे इमर्जन्सी लँडिंग का केले?
पाटणाचे एसएसपी मानवजीत सिंह ढिल्लो यांनी सांगितले की, स्पाइसजेटचे विमान दिल्लीला जात होते. उड्डाण करताना, विमानतळ प्राधिकरणाच्या लक्षात आले की त्याच्या विमाना आग लागली आहे. त्यामुळे विमानाचे इमर्जन्सी लँडिंग करण्यात आले. आतापर्यंत कोणतीही जीवितहानी झाल्याचे वृत्त नाही. इतर प्रोटोकॉल पाळले जात आहेत. त्याचवेळी पक्ष्याच्या धडकेमुळे इमर्जन्सी लँडिंग करावे लागल्याचे डीजीसीएने सांगितले.