Gujrat Assembly Election Results 2022 : नरेंद्र मोदीजींच्या नेतृत्वात देश पुढे जाऊ शकतो. 52 टक्के मतं भाजपला मिळाली. गुजरातचा विकास भाजपच करू शकतो हे पुन्हा एकदा सिध्द झाले आहे.आप नावाच्या पक्षाचे गुजरातमध्ये पुरते बारा वाजले. ‘आप’ला जनतेनं नाकारलेलं आहे. आप पार्टी ही दिल्लीपुरती मर्यादित आहे हे आता सिध्द झाल आहे अशी प्रतिक्रिया उपमुख्यमंत्री देवेंद्र फडणवीस यांनी माध्यमांशी बोलताना दिली. गुजरातमध्ये भाजपने मिळवलेल्या घवघवीत यशानंतर देवेंद्र फडणवीसांनी (Devendra Fadnavis) माध्यमांशी संवाद साधला.
यावेळी बोलताना ते म्हणाले की, प्रचाराला गेलो तेव्हाच गुजरातचा मूड दिसून येत होता. जिथे जिथे सभेला गेलो तिथे मोदींच्या नावाचा जयघोष दिसून येत होता. गुजरातमध्ये (Gujrat) निवडून आलेल्या सर्व आमदारांना शुभेच्छा. मुख्यमंत्री भूपेंद्र पटेल (Bhupendra Patel) यांच तसेच प्रदेशाध्यक्ष सी.आर. पाटील (C .R .Patil) आणि गुजरातच्या नागरीकांचे यावेळी त्यांनी आभार मानले.
हेही वाचा- गुजरात विधानसभा निवडणुकीत कॉंग्रेसची दाणादाण,काय आहे विश्लेषकांचा अंदाज, जाणून घ्या एका क्लिकवर
भाजपाने पंतप्रधान नरेंद्र मोदी (Narendra Modi) यांच्या नेतृत्वात गुजरातमध्ये नविन इतिहास रचला आहे. आजपर्यंतचे सगळे रकॉर्ड तोडून जवळपास 157 जागांवर भाजपने विजय मिळवला. एक अप्रत्यक्षित पण अपेक्षित असा विजय मिळवला आहे. 27 वर्षानंतर पुन्हा एकदा निवडणुकीत भरघोस यश मिळवलं आहे. गुजरातमध्ये कॉंग्रेसचा सूपडासाप झाला आहे असेही ते म्हणाले.
Previous Articleमराठा समाजाचा वधू वर मेळावा 11 रोजी
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.