वार्ताहर /माशेल
फोंडा येथील डॉ. कौतुक भाटीकर यांच्या हेल्थमेट होमिओपॅथी व एडलवाईस टोकियो लाईफ यांच्या संयुक्त विद्यमाने मधुमेह तपासणी शिबिर आयेजित करण्यात आले.
माशेल येथील वक्रतुंड इमारतीच्या दुसऱया मजल्यावर हे शिबिर घेण्यात आले. 41 जणांनी यावेळी आपल्या रक्ताची तपासणी केली. यातील 16 रूग्ण मधुमेही सापडले. या रूग्णांना मोफत औषध वितरीत करण्यात आली. एडवन इंटरनॅशनल यांनी ही औषधे पुरस्कृत केली होती. शिबिराच्या उद्घाटन सोहळय़ाला डॉ. कौतुक भाटीकर एडलवाईस टोकीयो लाईफच्या अधिकारी दीपावली जोशी नाईक, किर्तीकुमार भाटीकर, पराग नाईक व इतर मान्यवर उपस्थित होते. डॉ. कौतुक भाटीकर यांनी शिबिर आयोजन करण्यासाठी सहकार्य केलेल्या एडलवाईस व उपस्थित रूग्णांचे आभार मानले.