पन्हाळा/प्रतिनिधी
पन्हाळा तालुक्यातील दरेवाडी-आसुर्ले येथील घरगुती वादातून सोमवारी रात्री अकराच्या दरम्यान संशयित आरोपी पती बाबासो बळवंत जाधव (वय ४९) याने पत्नी अनिता जाधव (वय ४६) हिच्या डोक्यामध्ये दगडी वरवंटा घालून तिला ठार मारले.
जाधव दाम्पत्यामध्ये वारंवार वाद होत होते. सोमवारी रात्री हा वाद विकोपाला गेल्यानंतर चिडलेल्या पती बाबासो याने पत्नीच्या डोक्यात वरवंटा घातला. यात त्यांचा जागेवरच मृत्यू झाला. तर बाबासाहेब याला दारूचे व्यसन होते. तो कामधंदा करत नसल्याने त्याचे पत्नी व मुलाबरोबर नेहमी वाद होत होते, असे पोलिसांनी सांगितले.
या घटनेची फिर्याद मुलगा तेजस जाधव याने पन्हाळा पोलीस ठाण्यामध्ये दिली आहे. संशयित आरोपीला पत्नीच्या खून प्रकरणी ताब्यात घेतले आहे. पुढील तपास पन्हाळा पोलीस निरीक्षक अरविंद काळे, पोलीस हे. कॉ. वैशाली राजपाल करत आहेत.