पोलीस – मंडळांकडून सहकार्याची अपेक्षा
प्रतिनिधी /बेळगाव
साऊंड असोसिएशन बेळगावच्या सदस्यांची बैठक पै रिसॉर्ट येथे झाली. डी. जे. संदर्भात सातत्याने नवनवीन अटी लागू करण्यात येत असल्याबद्दल सदस्यांनी नाराजी व्यक्त केली. तसेच कोणत्याही स्वरुपाच्या मिरवणुकीवेळी डी. जे. लावण्यात येते. मात्र सार्वजनिक कार्यक्रमांसाठीच्या मिरवणुकीवेळी मंडळे सहकार्य करत नसल्याची खंतही यावेळी व्यक्त करण्यात आली.
दोन बेस, दोन टॉप यासाठी परवानगी द्यावी, ही संघटनेची मुख्य मागणी आहे. सायंकाळी 6 ते 9.30 या वेळेत डी.जे. लावला जाईल. वेळेची मर्यादा पाळली जाईल. परंतु प्रशासन, पोलीस आणि मंडळे यांचे आपल्याला सहकार्य हवे, अशी सदस्यांची मागणी आहे.
दरम्यान, सदस्यांनी आमदार अनिल बेनके यांची भेट घेऊन त्यांच्यासमोर आपल्या अडचणी सांगितल्या. त्यांच्यासह शनिवारी सकाळी संघटनेचे सदस्य पोलीस आयुक्तांची भेट घेणार आहेत, अशी माहिती अध्यक्ष शाम गौंडाडकर यांनी दिली.