मयत, दुबार, स्थलांतरित यांचा समावेश; सर्वाधिक इचलकरंजी मतदारसंघातील 5900 मतदार; जिल्हा निवडणूक विभागाकडून कार्यवाही
प्रवीण देसाई : कोल्हापूर
जिल्हा निवडणूक विभागाकडून जिह्यातील २६ हजार ९४१ मतदारांची नावे रद्दची कार्यवाही करण्यात आली आहे. मयत, दुबार, स्थलांतरीत मतदारांचा यामध्ये समावेश आहे. निरंतर मतदार विशेष संक्षिप्त पुनरिक्षण कार्यक्रमांतर्गत 1 जानेवारी ते आजअखेरपर्यंतची ही आकडेवारी आहे. यामध्ये सर्वाधिक इचलकरंजी विधानसभा मतदारसंघातील 5 हजार 900 व त्या खालोखाल कोल्हापूर दक्षिण विधानसभा मतदारसंघातील ४९६२ मतदारांचा समावेश आहे.
भारत निवडणूक आयोगाकडून निरंतर मतदार विशेष संक्षिप्त पुनरिक्षण कार्यक्रम सुरु आहे. त्याअंतर्गत १ जानेवारी ते आजअखेर जिह्यातील २६ हजार ९४१ मतदारांची नावे रद्द करण्यात आली आहेत. मयत, दुबार, स्थलांतरीतांच्या नावाचा यामध्ये समावेश आहे. सर्वाधिक इचलकरंजी विधानसभा मतदारसंघातील ५ हजार ९०० मतदार, त्या खालोखाल कोल्हापूर दक्षिण विधासभा मतदारसंघातील ४ हजार ९६२, शिरोळ विधानसभा मतदारसंघातील ४ हजार २७२, कागल विधानसभा मतदारंघातील ४ हजार १६७, कोल्हापूर उत्तर विधानसभा मतदारसंघातील ४ हजार २४६ मतदार आहेत. त्याचबरोबर करवीर विधानसभा मतदारसंघातील एकाही मतदाराचे नाव रद्द झालेले नाही. तर राधानगरी विधानसभा मतदारसंघात १ नाव रद्द झाले आहे. तसेच रद्द झालेल्यांमध्ये १३ हजार ६७० पुरुष मतदार व ११ हजार ९१६महिला मतदार व १ इतर मतदाराचा समावेश आहे.
जिल्हा निवडणूक विभागाकडून ही कार्यवाही करण्यात आली आहे. पुरावे व कागदपत्रे यांची शहानिशा करुन, तसेच यावर सुनावणी झाल्यानंतर ही नावे रद्द करण्यात आली आहेत.
मतदार विशेष संक्षिप्त पुनरिक्षण कार्यक्रमांतर्गत १ जानेवारी ते आजअखेर जिह्यात २६ हजार ९४१ इतक्या मतदारांची नावे रद्द करण्यात आली आहेत. यामध्ये मयत, दुबार व स्थलांतरीतांचा समावेश आहे.
भगवान कांबळे, उपजिल्हा निवडणूक अधिकारी
जिह्यातील रद्द झालले मतदार
विधानसभा पुरुष मतदार महिला मतदार इतर एकूण
चंदगड 901 1700 – 2601
राधानगरी – – 1 1
कागल 2082 2085 – 4167
कोल्हापूर दक्षिण 2644 2318 – 4962
करवीर – – – –
कोल्हापूर उत्तर 2069 2195 – 4264
शाहूवाडी 328 367 – 695
हातकणंगले 79 – – 79
इचलकरंजी 3219 2681 – 5900
शिरोळ 2714 1558 – 4272
एकूण 13670 11916 – 26941