प्रतिनिधी/ बेळगाव
ठळकवाडी हायस्कूलमध्ये दि. 31 रोजी कवी डॉ. द. रा. बेंद्रे यांची 127 वी जयंती साजरी करण्यात आली. अध्यक्षस्थानी मुख्याध्यापक आर. आर. कुडतुरकर होते. व्ही. आर. बर्गे यांनी द. रा. बेंद्रे यांच्या साहित्यिक कार्याचा आढावा घेतला. प्रास्ताविक एस. एस. कोष्टी यांनी केले. यावेळी सी. वाय. पाटील, एस. टी. पाटील, अरुंधती खतगल्ली उपस्थित होते. गायत्री लोहार व सुनीता गोरल या विद्यार्थिनींची भाषणे झाली. सूत्रसंचालन संजीव कोष्टी यांनी केले. एस. जी. बाळेकुंद्री यांनी आभार मानले.