अडीच लाखाचे नुकसान
प्रतिनिधी/ सावंतवाडी
सावंतवाडी उभाबाजार येथील परेश उर्फ मुन्ना मुद्राळे यांच्या पडवीवजा गोदामाला आगा लागून अडीच लाखाचे नुकसान झाले. यात इलेक्ट्रॉनिक साहित्य आगीच्या भक्ष्यस्थानी पडंन खाक झाले. सदर घटना सकाळी 8.30 दरम्यान घडली. पडवीत असलेल्या चुलीच्या लाकडाने पेट घेतल्याने सदर आग लागल्याचे समोर आले.
आग लागल्याने धुराचे लोट परिसरात पसरल्याने नागरिकांमध्ये घबराट पसरली. सतर्क नागरिकांना घटनास्थळी वेळीच धाव घेऊन आग विझवण्यात प्रारंभ केला.
सावंतवाडी नगरपालिकेचा अग्निशामक बंब देखील घटनास्थळी दाखल झाला. परंतु घटनास्थळी पर्यंत बंब जाण्याइतपत रस्ता नसल्याने आग विझवण्यात गैरसोय झाली. माजी नगरसेवक सुरेश भोगटे, आनंद नेवगी, दिनेश कुबडे आदींनी याकामी मदत केली. आगीवर वेळीच नियंत्रण मिळवल्याने मोठा धोका टळला.