नवी दिल्ली
इलेक्ट्रिक वाहन निर्मिती करणारी कंपनी ईवीट्रिक मोटर्स (Evtric Motors) यांनी आपली पहिली मोटारसायकल ईवीट्रिक राइज भारतात दाखल केली आहे. या दुचाकीची सुरुवातीची किंमत ही 1.60 लाख रुपये एक्स शोरुम राहणार आहे. 22 जूनपासून या गाडीचे बुकिंग सुरु झाले आहे. साधारणपणे ग्राहकांना 5,000 रुपयांमध्ये हे बुकिंग करता येणार असल्याची माहिती आहे.
टॉप स्पीडचा दावा
राजस्थानमधील कंपनीच्या डिलर्सची बैठक पार पडली असून यावेळी कंपनीने दावा केला आहे, की या मोटारसायकलचा सर्वोच्च स्पीड हा 70 किमी प्रति तास राहणार आहे. सदरची नवी गाडी एका चार्जवर अंदाजे 110 किमीपेक्षा अधिक रेंज देते. ईवीट्रिकच्या पोर्टफोलियोमध्ये पहिल्या तीन इलेक्ट्रिक स्कूटर विक्री करीता उपलब्ध आहेत.