राधानगरी/प्रतिनिधी
राधानगरी धरणाच्या पायथ्याशी असलेल्या फेजीवडे गावात सायंकाळी 5 वाजता भोगावती नदी काठच्या शेतात दबा धरून बसलेल्या गव्याने शेतकऱ्याला गंभीर जखमी केले . गणी उस्मान राऊत (वय -60) असे जखमी झालेल्या शेतकऱ्याचे नाव आहे. त्यांना उपचारासाठी रुग्णालयात दाखल करण्यात आले आहे.
घटनास्थळावरून मिळालेली माहिती अशी की,
फेजीवडे गावात सायंकाळच्यावेळी गणी राऊत हे शेतकरी त्यांच्या शेतात काम करत होते. यावेळी नदी काठच्या शेतात दबा धरून बसलेल्या गव्याने पायात शिंग खुपसल्याने ते गंभीर जखमी झाले. तसेच त्यांच्या कंबरेला जोरदार मार बसला. बाजूच्या शेतात काम करणाऱ्या शेतकऱ्यांनी त्यांना राधानगरी येथील ग्रामीण रुग्णालयात दाखल केले ,मात्र जखम गंभीर असल्याने प्राथमिक उपचार करून त्यांना पुढील उपचारासाठी कोल्हापूर येथे खाजगी रुग्णालयात दाखल करण्यात आले आहे. या परिसरात मोठ्या प्रमाणावर गव्याचा वावर असून, शेतकऱ्यांना जीव मुठीत धरून शेतात काम करावे लागत आहे. गव्याचा तातडीने बंदोबस्त करावा अशी मागणी सध्या ग्रामस्थांकडून होत आहे. वनविभागाकडून जखमींला तातडीने मदत मिळावी अशी ही मागणी ग्रामस्थांनी केली आहे.
Previous Articleवैभव भारतमातेसाठी करायचे आहे!
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.