बेळगाव – अँब्युलन्स आणि ऊस वाहतूक करणाऱ्या ट्रॅक्टरमध्ये झालेल्या भीषण धडकेत अँब्युलन्समधील रुग्ण ठार झाल्याची घटना बैलहोंगल तालुक्यातील बैलवाड येथे घडली आहे. बैलहोंगल तालुक्यातील बेळवडीचे रहिवासी अकबरसाब नेसरगी (२८) असे मृताची ओळख पटली आहे. सौंदत्ती श्री रेणुका यल्लम्मा मंदिराच्या प्रांगणात अकबरसाब यांचे बांगड्यांचं दुकान आहे. बेळवडीतून सौंदत्तीला जाताना त्यांच्या दुचाकीचा अपघात झाला. अपघातात जखमी झालेल्या अकबरसाबला अँब्युलन्स मधून घेऊन जात असताना ऊस वाहतूक करणाऱ्या ट्रॅक्टरला अँब्युलन्स धडकली घटनेत स्ट्रेचरवर असलेला अकबरसाब यांचा मृत्यू झाला तर त्याच्या सोबत असलेले जन्नतबी नेसरगी (४५) मेहबूब (२८) आणि शब्बीर (२२) जखमी झाले आहेत.
previous post