ऑनलाईन टीम / मुंबई :
मुंबईच्या सांताक्रूझमधील LIC कार्यालयाच्या इमारतीला भीषण आग लागली आहे. इमारतीच्या दुसऱ्या मजल्यावर ही आग लागली असून, आगीने उग्र रुप धारण केले आहे. परिसरात मोठय़ा प्रमाणात धुराचे लोट पसरले आहेत. घटनास्थळी अग्निशमन दलाच्या 8 गाडय़ा दाखल असून, आग विझविण्याचे शर्थीचे प्रयत्न सुरू आहेत.
आज सकाळी सातच्या सुमारास LIC च्या या इमारतीला आग लागली. सॅलरी सेव्हिंग स्किम हा विभाग आगीच्या भक्षस्थानी पडला आहे. सर्व संगणक, फाईल्स आणि फर्निचर जळून खाक झाल्याची माहिती आहे. आगीची माहिती मिळताच घटनास्थळी पोलीस आणि अग्निशमन दलाच्या 8 गाडय़ा दाखल झाल्या. अग्निशमन दलाकडून आग विझविण्याचे शर्थीचे प्रयत्न सुरू आहेत. दरम्यान, आगीत कोणतीही जीवितहानी झाल्याचे वृत्त नाही.