वेंगुर्ले / प्रतिनिधी
वेंगुर्ले येथील आर.के. पाटकर हायस्कुलच्या माजी मुख्याध्यापिका साै. सविता गाडेकर उर्फ शेणई बाई (वय ७६)यांचे शुक्रवार दि. ५ ऑगस्ट रोजी पुणे येथे निधन झाले. एक उत्तम व शिस्तप्रिय शिक्षिका म्हणुन त्या परिचित होत्या. वेंगुर्ले येथील व्यापारी सुर्यकांत गाडेकर यांच्या त्या पत्नी . अलिकडच्या काळात त्या पुणे येथील आपल्या मुलाकडे वास्तव्यास होत्या. त्यांच्या पाठीमागे त्यांचे पती, मुलगा ,मुलगी, सुना, नातवंडे असा परिवार आहे. त्यांच्या या आकस्मीक निधनाने वेंगुर्ले शिक्षण वर्तुळात हळहळ व्यक्त होत आहे. आज त्यांचे पार्थिव वेंगुर्ले येथे आणण्यात येणार आहे.