बेळगाव : प्रत्येक सार्वजनिक गणेशोत्सव मंडपात स्वातंत्र्यवीर सावरकरांची प्रतिमा लावण्याचे अभियान हाती घेतले जाणार आहे. हे अभियान यशस्वी करण्यासाठी भाजपचे कर्नाटक राज्य ओबीसी मोर्चाचे सरचिटणीस आणि विमल फाउंडेशन संस्थेचे संस्थापक अध्यक्ष किरण जाधव विशेष प्रयत्नशील आहेत. त्यांनी गुरुवारी अलारवाड गावातील सार्वजनिक गणेशोत्सव मंडळाच्या पदाधिकाऱयांकडे स्वातंत्र्यवीर विनायक दामोदर सावरकर यांचे भावचित्र सुपूर्द केले.
सार्वजनिक गणेशोत्सव मंडळांनी श्रीमंडपात लावण्यासाठी सावरकरांची प्रतिमा आपल्याकडून घेऊन जावी, असे आवाहन त्यांनी केले आहे.