शिरोळ (प्रतिनिधी) -बीएसएनएल कंपनीत क्लार्क या पदावर नोकरी लावतो असे सांगून पाच लाख रुपये घेवून फसवणूक केल्याप्रकरणी भुपाल लक्ष्मण कोळी रा. संभाजीपूर ता.शिरोळ यांच्या विरोधात शिरोळ पोलिस ठाण्यात गुन्हा दाखल करण्यात आला आहे. या प्रकरणी सुनिता सागर हुपरे वय 50 रा.गणेश कॉलनी ओंकार बंगला संभाजीपूर यांनी शिरोळ पोलिस ठाण्यात फिर्याद दिली आहे.
याबाबत पोलिसांतून मिळालेली अधिक माहिती अशी की, फिर्यादी सुनिता हुपरे यांची मुली श्‍वेतांजली सागर हुपरे (वय 23) व स्नेहल सागर हुपरे (वय 24) यांना संशयीत आरोपी भुपाल कोळी यांनी बीएसएनएल कंपनीत नोकरी लावतो असे अमिष दाखवून वेळोेवेळी रोखीने 5 लाख रुपये घेतले आहेत, दिलेली रक्कम फिर्यादी परत मागत असताना पैसे देत नाही तुम्हाला काय करायचे ते करा असे म्हणून फसवणूक केल्याचे फिर्यादित म्हटले आहे. या प्रकरणी संशयीत आरोपी भूपाल कोळी याच्यावर शिरोळ पोलिस ठाण्यात गुन्हा दाखल करण्यात आला आहे. या घटनेचा अधिक तपास पोलिस हेड कॉन्स्टेबल पाटील करीत आहेत