प्रतिनिधी /बेळगाव
देशाच्या आणि गोव्याच्या स्वातंत्र्यलढय़ामध्ये भाग घेतलेल्या स्वातंत्र्यसैनिकांचा सत्कार पालकमंत्री गोविंद कारजोळ यांच्या हस्ते करण्यात आला. स्वातंत्र्यसैनिक राजेंद्र कलघटगी आणि विठ्ठलराव याळगी यांच्या घरी जाऊन पालकमंत्र्यांनी बुधवारी हा सत्कार केला.
यावेळी राजेंद्र कलघटगी व विठ्ठलराव याळगी यांनी त्यावेळच्या संघर्षाची माहिती व आठवण करून दिली. कशाप्रकारे आम्हाला लढा लढावा लागला याची माहिती दिली. राजेंद्र कलघटगी यांचे वय 102 वर्षे असल्याचे त्यांनी यावेळी सांगितले. त्याबद्दल पालकमंत्री गोविंद कारजोळ यांनी समाधान व्यक्त करून शुभेच्छा दिल्या. आताही ते रोज पहाटे 4 वाजता उठून योगा करतात. याचबरोबर त्यांनी घेत असलेल्या आहाराची माहिती दिली.
या स्वातंत्र्यसैनिकांचा सत्कार करताना जिल्हाधिकारी नितेश पाटील, पोलीस आयुक्त डॉ. एम. बी. बोरलिंगय्या, जिल्हा पोलीसप्रमुख डॉ. संजीव पाटील, जि.पं.चे मुख्य कार्यकारी अधिकारी दर्शन एच. व्ही. व इतर अधिकारी उपस्थित होते.