ऑनलाईन टीम/तरुण भारत
राज्याचे ग्रामविकास मंत्री आणि राष्ट्रवादीचे नेते हसन मुश्रीफ (hasan mushrif) यांच्या नावामध्ये प्रभू श्रीरामांचे (prabhu shree ram) नाव चित्रित केल्यामुळं नवा वाद निर्माण झाला असून मंत्री मुश्रिफांविरोधात मुरगूड पोलिसात (muragud police) तक्रार दाखल करण्यात आली आहे. तसेच रामनवमी दिवशी जन्म झाला नसतानाही वाढदिवस साजरा करतात असा आरोप त्यांच्यावर लावला आहे.
हसन मुश्रीफ हिंदूंची मते मिळवण्यासाठी रामनवमीला जन्म झाल्याचे सांगून वाढदिवस साजरा करत आहेत असा आरोप यावेळी करण्यात आला आहे. वडकशिवाले येथील प्रकाश बेलवाडे यांनी मुरगूड पोलिसात तक्रार अर्ज दिला आहे.
समरजितसिंह यांची मुश्रिफांवर टीका
रामनवमी दिवशी मंत्री मुश्रिफांचा वाढदिवस होतो. या वाढदिवसानिमित्त त्यांनी दिलेल्या जाहिरातीत हसन मुश्रीफ यांचे नाव आहे. या जाहिरातीला राम नवमीची डिझाईन करण्यात आली आहे. याला भाजपचे नेते समरजितसिंह घाटगे (Samarjit Singh Ghatge) यांनी यावर आक्षेप नोंदवला होता. त्यांनी अशा प्रकारे राम या शब्दाची डिझाईन कशी काय करू शकता तुम्ही रामापेक्षा मोठे आहेत का असा सवाल करत पोलिसात तक्रार करणार असल्याचे म्हटले होते.