29 पर्यंत मुसळधार पावसाचा इशारा
प्रतिनिधी/ पणजी
राज्यात येत्या दि. 29 जून पर्यंत मुसळधार पाऊस पडणार असल्याचा इशारा हवामान खात्याने दिला आहे. दरम्यान राज्यात गेल्या 24 तासात सर्वत्र जोरादर पाऊस पडला. केपे तालुक्याला पावसाने अक्षरशः झोडपून काढले. तेथे गेल्या 24 तासात 6.5 इंच पावसाची नोंद झाली आहे. यंदाच्या मोसमातील सर्वाधिक पावसाची नोंद केपे तालुक्यात झाली आहे.
गेल्या 24 तासात राज्यात समाधानकारक पावसाची नोंद झाली. मडगावात 4 इंच, मुरगाव 3.5 इंच, धारबांदोडा व जुने गोवे येते प्रत्येकी 3 इंच, पणजी, सांगे, फ्ढाsंडा येथे प्रत्येकी 2.5 इंच एवढी विक्रमी पावसाची नोंद झाली. म्हापसा, काणकोण, सांखळी येथे प्रत्येकी 2 इंच तर वाळपईत 1.5 इंच व पेडणे येथे 1.15 इंच एवढी पावसाची नोंद झाली. आगामी 24 तासांत सर्वत्र जोरदार पाऊस पडेल असा इशारा हवामान खात्याने दिला आहे.