वृत्तसंस्था/ नवी दिल्ली
भारतातील मोठी दुचाकी निर्मिती कंपनी हिरो मोटोकॉर्प जुलैपासून आपल्या ठराविक प्रकारातील दुचाकींच्या किमती वाढवणार आहे. कंपनीच्या अधिकाऱ्याने यासंबंधीची माहिती सोमवारी दिली आहे.
1 जुलैपासून नवे वाढीव दर कंपनी लागू करणार असल्याचे सांगण्यात येत असून किंमती 1500 रुपयांपर्यंत वाढवल्या जाणार आहेत. अंतर्गत निर्मिती खर्चात झालेली वाढ लक्षात घेऊन कंपनीने हा भार हलका करण्यासाठी काही प्रकारातील दुचाकींची किंमत वाढवण्याचे ठरवले आहे.
कंपनी स्प्लेंडर, एचएफ डिलक्स आणि ग्लॅमर या मोटारसायकली विकते तसेच स्कुटरेट प्रकारात झूम आणि डेस्टिनी 124 एक्सटेकचा समावेश आहे. कंपनीचे समभाग तेजीसह कार्यरत होते.