४४ व्या बुद्धिबळ ऑलिम्पियाडसाठी ऐतिहासिक मशाल रिलेला रविवारी प्रारंभ होणार आहे. प्रधानमंत्री नरेंद्र मोदी यांच्या हस्ते याचे उद्घाटन होणार आहे. इतिहासामध्ये यंदा प्रथमच ही रॅली काढण्यात येणार आहे.
यादिवशी फिडेचे अध्यक्ष अर्काडी वोरकोव्हिच ही मशाल प्रधानमंत्री नरेंद्र मोदी यांना देतील. त्यानंतर ती ग्रँड मास्टर विश्वनाथन आनंद यांना देण्यात येईल. ४४ व्या बुद्धिबळ ऑलीम्पियाडच आयोजन येत्या २८ जुलै ते १० ऑगस्ट दरम्यान करण्यात आले आहे. ३० वर्षांनंतर आशियात, तर भारतात प्रथमच या स्पर्धाचं आयोजन करण्यात येत आहे. यामध्ये १८९ देशांचे खेळाडू सहभाग घेणार आहेत.