मुरगोड पोलिसांची कारवाई : एकाला अटक, एकजण फरार : पोलिसांकडून तपास सुरू
प्रतिनिधी /बेळगाव
यरगट्टीजवळ 25 टन बेकायदा रेशनचा तांदूळ जप्त करण्यात आला आहे. मुरगोड पोलिसांनी शनिवारी ही कारवाई केली आहे. एका तरुणाला अटक करण्यात आली असून आणखी एकजण फरारी झाला आहे.
पाच लाख रुपये किमतीचा 500 पोती तांदूळ पोलिसांनी जप्त केला आहे. बेकायदा तांदूळ वाहतुकीसाठी वापरण्यात आलेला ट्रकही जप्त करण्यात आला असून सौंदत्तीहून हुक्केरीला जाताना ही कारवाई करण्यात आली आहे. मुरगोड पोलीस स्थानकात एफआयआर दाखल करण्यात आला आहे.
रफिक अकनाबादशहा देसाई, रा. बिरेश्वरनगर, संकेश्वर याला अटक करण्यात आली असून रमेश अडिव्याप्पा गाणगेर, रा. सौंदत्ती हा फरारी झाला आहे. पोलीस त्याचा शोध घेत आहेत. हा साठा कुठून जमविण्यात आला, याचा तपास करण्यात येत आहे.
यासंबंधी सौंदत्तीचे तहसीलदार, अन्ननिरीक्षक आनंद लक्काप्पा रावळ यांनी दोन दिवसांपूर्वी फिर्याद दिली आहे. मुरगोडचे पोलीस निरीक्षक मौनेश्वर मालीपाटील व त्यांच्या सहकाऱयांनी ट्रक अडवून ही कारवाई केली असून एमएच 09, सीए 3662 क्रमांकाचा ट्रक ताब्यात घेण्यात आला आहे.