संपूर्ण कर भरणाऱयांना मोफत ध्वजाचे वाटप, तब्बल 8 हजाराहून अधिक नागरिकांनी भरला कर
प्रतिनिधी/ सातारा
स्वातंत्र्याच्या अमृतमहोत्सवानिमित्त विविध कार्यक्रमांचे आयोजन करण्यात आले आहे. यातच प्रामुख्याने दि. 13 ते 15 ऑगस्ट दरम्यान तिरंगा ध्वज अनेक ठिकाणी फडकविण्यात येणार आहेत. याचाच एक भाग म्हणून सातारा पालिकेच्या वतीने संपुर्ण कर भरणाऱयांना मोफत ध्वजाचे वाटप करण्यात येत आहे. यामुळे पालिकेच्या तिजोरीत मात्र वाढ होताना दिसत आहे.
कारण काही दिवसांपुर्वीच ही योजना सुरू केली आहे, पण आत्तापर्यंत तब्बल 5 हजार ध्वजांचे वाटप करण्यात आले आहे. अद्याप अनेकांना ध्वज वाटप करणे बाकी आहे. आत्तापर्यंत तब्बल 8 हजाराहुन अधिक नागरिकांनी कर भरले आहे. त्यामुळे येत्या काही दिवसात ही संख्या वाढण्याची शक्यताही वर्तविण्यात आले आहे. त्यामुळेच पालिकेच्या वतीने आणखीन 10 हजार ध्वजांची मागणी करण्यात आली आहे.
हे ध्वज टपाल विभागाच्या माध्यमातून पालिकेस मिळणार आहेत. ध्वज घेण्याकरीता पालिकेच्या मुख्य कार्यालयासह शाहुपुरी, विलासपुर, गोडोली, सदरबझार येथील केंद्रात ही ध्वज घेण्याकरीता नागरिकांची गर्दी होताना दिसत आहे. ‘हर घर तिरंगा’ अभियानामुळे पालिकेकडे आत्तापर्यंत 18 टक्के हुन अधिक रक्कम वसुल झाली आहे.