प्रतिनिधी /बेळगाव
अनुसुचित जाती-जमातीसाठी असलेल्या आरक्षणामध्ये आणखी वाढ करणे महत्त्वाचे आहे. कारण लोकसंख्या वाढत जात आहे. मात्र आरक्षण तेव्हढेच आहे. त्यामुळे अन्याय होत असून तातडीने त्यामध्ये वाढ करावी, या मागणीसाठी कर्नाटक समता सैनिक दलाच्यावतीने जिल्हाधिकाऱयांना निवेदन देण्यात आले आहे. अनुसुचित जातीसाठी 15 टक्के, अनुसुचित जमातीसाठी 3 टक्के तर मागासवर्गीयांसाठी 57 टक्के असे आरक्षण आहे. मात्र लोकसंख्या वाढली आहे. 1 करोड 4 लाख 74 हजार 952 लोकसंख्या आहे. त्यानुसार आरक्षणात वाढ होणे महत्त्वाचे आहे, असे निवेदनात म्हटले आहे.