ऑनलाईन टीम तरुण भारत :
मनाली हे हिमाचल प्रदेशातील एक लोकप्रिय हिल स्टेशन आहे. येथे दरवर्षी लाखो लोक भेट देतात. हिमाचल मधील कुल्लू खोऱ्याच्या उत्तरेस असणारे हे पर्यटनस्थळ जगभरातील पर्यटकांना आपल्याकडे आकर्षित करत असते.
हे ठिकाण समुद्रसपाटीपासून २०५० मीटर उंचीवर असून मनाली बियास नदीच्या काठावर वसलेले आहे. ब्रिटिश काळापासून हे ठिकाण नावारूपाला आले. ब्रिटिशांनी हिल स्टेशन म्हणून याचा उपयोग केला. उन्हाळ्यापासून सुटका करून घेण्यासाठी हजारो पर्यटक या हिल स्टेशनवर येतात.
हिवाळ्यात येथील तापमान ० अंशांच्या खाली पोहोचते. येथे अनेक सुंदर, नैसर्गिक ठिकाणे आहेतच सोबत हायकिंग, पॅराग्लायडिंग, राफ्टिंग, ट्रेकिंग, कयाकिंग यांसारख्या खेळांचाही आनंद आपल्याला घेता येतो. रानफुले आणि सफरचंदाच्या बागा पाहून मन एकदम ताजेतवाने होऊन जाते. तर नक्की भेट द्या हिमाचल मधील या स्वर्गाला.