दापोली/प्रतिनिधी
तटरक्षक दलाची हॉवरक्राफ्ट नौका दापोलीच्या पाळंदे समुद्रकिनारी बुधवारी सकाळी आढळून आली. तांत्रिक बिघाडामुळे ती दापोलीच्या किनारी आल्याचे बोटीवरील कर्मचाऱ्यांकडून सांगण्यात आले.
बुधवारी सकाळी ही हॉवरक्राफ्ट दापोली तालुक्यातील पाळंदे समुद्रकिनारी ग्रामस्थांना आढळून आली. ही नौका पाणी, जमीन, बर्फ, वाळू यातून सहज मार्गक्रमण करू शकते. तटक्षकदलाची ही नौका असल्याने ग्रामस्थांनी जवळ जाऊन त्यांना काही मदत पाहिजे का याची विचारणा केली. मात्र बोटीवरील कर्मचाऱ्यांनी तांत्रिक बिघाडामुळे ही बोट पाळंदे समुद्रकिनारी आणल्याचे सांगितले.
ही हॉवरक्राफ्ट पाहण्यासाठी परिसरातील नागरिकांनी एकच गर्दी केली.