बेळगाव : येथील गोवावेसजवळील फायर ब्रिगेड ऑफिससमोर ओपन ग्राउंडवर गेल्या 28 मार्चपासून सुरू करण्यात आलेल्या इंडियन क्राफ्ट बाजार प्रदर्शनाला बेळगावकरांचा उदंड प्रतिसाद मिळत आहे. गुढीपाडवा, रमजान व अक्षय तृतीयेचे औचित्य साधून सुरू करण्यात आलेल्या या प्रदर्शनात एकाच छताखाली 50 हून अधिक
स्टॉल्स मांडण्यात आले आहेत. त्यामध्ये भारताच्या विविध भागातील हॅन्डलूम व हॅन्डीक्राफ्ट उत्पादनांची मांडणी करण्यात आली आहे. त्यामध्ये लखनवी चिकन सुट, सहारनपूर फर्निचर, राजस्थानी बांगडय़ा, कार्पेट्स, राजस्थानी पेंटिंग्ज, सतरंजी, बनारसी, चंदेरी सिल्क साडय़ा, पश्चिम बंगालच्या साडय़ा, बेडकव्हर, दिवान सेट, केरळ ज्युवेलरी, मोजडी, फॅन्सी चप्पल, लेदर बॅग, टॉप्स, कॉटन शर्ट, टी-शर्ट, पंजाबी सूट, मंगलगिरी डेस मटेरियल, कॉटन साडय़ा याबरोबरच भव्य अशा स्टॉल्सवर शोभेच्या वस्तू, वेगवेगळय़ा प्रकारच्या चिनीमातीच्या बरण्या, शोभेच्या वस्तू, फुलपात्रे, सर्व प्रकारची क्रॉकरी आदी वस्तूंचा समावेश आहे.
प्रदर्शनात अनेक वस्तूंवर भव्य सवलत दिली जात आहे. पेडिट व डेबिट कार्ड्सवर खरेदी करणाऱयांना पाच टक्के सवलत दिली जात आहे. प्रदर्शन सर्वांना मोफत असून पार्किंग सुविधा उपलब्ध आहे. हे प्रदर्शन आणखी थोडे दिवस असल्याने नागरिकांनी त्याचा लाभ घ्यावा, असे आवाहन आयोजकांनी केले आहे.