प्रतिनिधी /पणजी
‘मोक्ष’ हिंदू स्मशानभूमी, खोजा आणि सुन्नी मुस्लिमांसाठी कब्रिस्तान आणि लिंगायत दफनभूमी, कॉर्पोरेशन ऑफ सिटी ऑफ पणजी (सीसीपी) द्वारे नव्याने पूर्ण झालेला प्रकल्प, जगातील सर्वात प्रति÷ित आर्किटेक्चरल वेबसाइट आर्कडेलीमध्ये वैशिष्टय़ीकृत करून आंतरराष्ट्रीय लक्ष वेधून घेत आहे. आर्किटेक्चरवरील सर्वात नाविन्यपूर्ण आणि सर्जनशील असे हे कार्य आहे. जुने गोवे येथील राहुल देशपांडे आणि असोसिएट्स या डिझाईन फर्मने या प्रकल्पाची रचना केली आहे.
गोव्याचे माजी मुख्यमंत्री दिवंगत मनोहर पर्रीकर यांनी विरोधी पक्षनेते असताना 2011 मध्ये या प्रकल्पाची सुरुवात केली होती. हे गोवा राज्य विकास प्राधिकरणाद्वारे 8.82 कोटी खर्चून कार्यान्वित केले गेले आणि फेब्रुवारी 2021 मध्ये त्याचे उद्घाटन करण्यात आले. ‘आर्कडेली’ने या डिझाइनचे ‘अद्वितीय’ म्हणून कौतुक केले आहे. हिंदू, खोजा मुस्लिम, सुन्नी मुस्लिम आणि लिंगायत या चार विविध धार्मिक गटांना पुरवताना, वास्तुशिल्पाचे वैशिष्टय़, तिची भाषा संवेदनशीलतेने व्यक्त केली जाते, ज्यामुळे प्रत्येक समुदायाला ओळख आणि व्यक्तिमत्त्वाची जाणीव होते.
राहुल देशपांडे हे यूएसए शिक्षित स्ट्रक्चरल डिझायनर आहेत, त्यांनी अनेक पुरस्कार प्राप्त केले आहेत. ते पद्मविभूषण चार्ल्स कुरैया यांच्यासमवेत सन 2021 तयार करण्यात टास्क फोर्सचे सदस्य होते. त्यांची इतर उल्लेखनीय कामे म्हणजे वाळपई बसस्थानक, इडीसी पट्टो प्लाझा, मंगेशी मंदिर, ताळगाव कम्युनिटी हॉल आणि शिरोडा बस स्टँडचा पुनर्विकास ही आहेत.