नवी दिल्ली
इराणने मागील आठवडय़ापासून भारतीय बासमती तांदूळ आणि चहापावडरची आयात थांबविली आहे. परंतु इराणच्या खरेदीदारांनी अचानकपणे घेतलेल्या या निर्णयाकरता कुठलेच स्पष्टीकरण दिलेले नाही. हिजाबविरोधी आंदोलनाचा मोठा परिणाम इराणमधील दुकाने, हॉटेल्स आणि बाजारपेठांवर झाला आहे. हा निर्णय याचेच फलित असल्याचे भारतीय निर्यातदारांचे मानणे आहे. तर इराण आणि भारत सरकार स्थानिक चलनात व्यापार करण्यासंबंधी करार करण्याची शक्यता असल्यानेही ही आयात रोखण्यात आल्याचेही मानले जात आहे.