नवी दिल्ली
दैनंदिन वापरातील साहित्य बनविणारी कंपनी आयटीसीने डायरेक्ट टू कस्टमर(डी2सी)ब्रॅण्ड मायलोचे सादरीकरण करणारी कंपनी ब्लूपिन टेक्नॉलॉजी प्रायव्हेट लिमिटेडमध्ये 10.07 टक्के इतकी हिस्सेदारी खरेदी केली असल्याची माहिती आहे. कंपनीने 39.34 कोटी रुपयामध्ये हे अधिग्रहण करण्यात येणार असल्याची घोषणा एप्रिलमध्ये केली होती. आयटीसीने शेअर बाजाराला दिलेल्या माहितीनुसार 28 मे 2022 रोजी कंपनीने ब्लूपिन टेक्नॉलॉजी प्रायव्हेट लिमिटेडच्या 10.07 टक्के समभागांचे अधिग्रहण केले आहे. कंपनीने म्हटले आहे, की या गुंतवणुकीसोबत डी2सी क्षेत्रात कंपनी येत्या काळात विस्तार करण्यावर भर देणार आहे. ब्लूपिन टेक्नॉलॉजी मायलो ब्रॅण्डसह आई व लहान मुलांच्या देखभालीसाठी लागणारे उत्पादन व सेवा देत आहे.