‘Jibhola’ in fishermen’s nets
मालवण/प्रतिनिधी –
पावसाळी वातावरणाच्या पार्श्वभूमीवर गेले दोन दिवस मालवण तालुक्यातील दांडी, वायरी, तारकर्ली आणि देवबाग समुद्रकिनारी ओढल्या जाणाऱ्या रापणीच्या जाळ्यात जिभेप्रमाणे दिसणारे मध्यम आकाराचे लेप मासे सापडून येत आहेत. हे मासे जिभेप्रमाणे दिसतात.
त्यामुळे मालवणातील मच्छीमार त्यांना ‘जिभोळा’ म्हणतात. त्याचे इंग्रजी नाव ‘सोल फिश’ असे आहे. मध्यम आकाराच्या लेप माशांना किलोमागे पंधरा ते सोळा रुपये भाव मिळाला.
रापणीला मिळालेले हे मध्यम आकाराचे लेप मासे मत्स्य प्रक्रिया कारखान्यासाठी खरेदी करण्यात आले. मात्र मोठ्या आकाराच्या लेप माशांना प्रती किलो दीडशे ते दोनशे रुपये इतका भाव मिळत असतो असे मच्छीमारांनी सांगितले.