प्रतिनिधी /काणकोण
स्वच्छ भारत मिशनच्या अंतर्गत आयोजित भारतीय स्वच्छता लीगमध्ये 15 ते 25 हजार लोकवस्तीच्या गटात काणकोण नगरपालिकेला पुरस्कार प्राप्त झालेला असून काणकोणचे नगराध्यक्ष रमाकांत ना. गावकर यांनी दिल्लीच्या तालकटोरा स्टेडियमवर आयोजित समारंभात हा प्रतिष्ठेचा पुरस्कार स्वीकारला. केंद्रीय नगर व्यवहारमंत्री कौशल किशोर यांच्या हस्ते आणि स्वच्छ भारत मिशनशी संबंधित असलेले गृहबांधणी व नगर व्यवहार सचिव मनोज जोशी, स्वच्छ भारत मिशनच्या संयुक्त सचिव रूपा मिश्रा आणि अन्य मान्यवरांच्या उपस्थितीत गावकर यांनी हा पुरस्कार स्वीकारला.