Tarun Bharat

विस्थापित काश्मिरी विद्यार्थ्यांना प्राधान्याने प्रवेश देणार, उदय सामंतांची घोषणा

Advertisements

ऑनलाईन टीम/तरुण भारत

विस्थापित काश्मिर पंडितांच्या (kashmiri Pandit) विद्यार्थ्यांना उच्च शिक्षणासाठी प्राधान्याने प्रवेश देण्यात येईल, तसेच प्रसंगी प्रवेशाच्या जागा वाढविण्याचा निर्णय घेण्यात येणार असल्याचे उच्च आणि तंत्रशिक्षण मंत्री उदय सामंत (Uday Samant) यांनी रविवारी पत्रकारांशी बोलताना सांगितले. मुख्यमंत्री उद्धव ठाकरे (Uddhav Thackeray) यांनी यासंदर्भात आदेश दिले आहेत, असे सामंत यांनी सांगितले. ते आज रविवारी पत्रकारांशी बोलत होते.

काश्मीर खोऱ्यात काश्मिरी पंडितांवरील अत्याचारांत वाढ झाल्याने त्यांनी स्थलांतर केले आहे. अनेकजण जम्मूमध्ये स्थलांतरीत होत असून अनेकांनी इतर मार्ग अवलंबले आहेत. त्यामुळे विस्थापित झालेल्या काश्मिर पंडितांच्या विद्यार्थ्यांना उच्च शिक्षणासाठी प्राधान्याने प्रवेश देण्यात येतील, अशी घोषणा आज उच्च आणि तंत्रशिक्षण मंत्री उदय सामंत यांनी केली.

गेल्या काही दिवसांपासून काश्मीर खोऱ्यात काश्मिरी पंडितांच्या हत्या होत आहेत. आतापर्यंत आठ हत्या झाल्या असून यामध्ये सरकारी कर्मचाऱ्यांचाही समावेश आहे. दहशतवाद्यांनी माजवलेल्या दहशतीमुळे तेथील काश्मीर पंडित स्थलांतरीत होत आहेत. त्यामुळे विस्थापित झालेल्या विद्यार्थ्यांना शिक्षणापासून वंचित राहावे लागू नये याकरता राज्य सरकारने धोरणात्मक निर्णय गेतला आहे. तसेच, प्रवेश प्रक्रिया करताना जागा कमी पडू नयेत म्हणून जागा वाढविण्यात येणार असल्याचेही उदय सामंत यांनी सांगितले.

Related Stories

‘रोज यांच्या घरात पेनड्राईव्ह बाळंत होतात का?’

Abhijeet Shinde

क्विंटन डी कॉकने या कारणासाठी सामना सोडला

Abhijeet Shinde

बिडी कारखाने त्वरित सुरू करा; भारतीय मजदूर संघांची मागणी

Rohan_P

मुख्यमंत्र्यांच्या खांद्यावर दोन नास्तिक भुते- चंद्रकांत पाटील

Abhijeet Shinde

न्यू इंग्लिश स्कूलचा 141 वा वर्धापनदिन साजरा

Rohan_P

कोविड लसीकरणाची प्रशासनाकडून तयारी सुरु

Patil_p
error: Content is protected !!