वृत्तसंस्था/ लंडन
रविवारी येथे झालेल्या लंडन मॅरेथॉनमध्ये पुरुष विभागात केनियाचा धावपटू ऍमोस किपरुटोने तसेच महिलांच्या विभागात इथोपियाची धावपटू येलिमेझर येहुलॉ यांनी विजेतेपद पटकाविले.
पुरुषांच्या विभागात केनियाच्या किपरुटोने 2 तास 4 मिनिटे आणि 39 सेकंदाचा अवधी घेत जेतेपद पटकाविले. लंडन मॅरेथॉनमधील किपरुटोचे हे पहिले विजेतेपद आहे. गेल्या मार्चमध्ये जपानमध्ये झालेल्या मॅरेथॉन स्पर्धेत केनियाच्या किपरुटोला दुसऱया स्थानावर समाधान मानावे लागले होते. जपान मॅरेथॉनमध्ये विश्वविक्रमवीर किपचोगेने त्याला मागे टाकले होते. महिलांच्या विभागात इथोपियाच्या येहुलॉने दोन तास, 17 मिनिटे आणि 25 सेकंदाचा अवधी घेत प्रथम स्थान पटकाविले. महिलांच्या विभागात जेपकोसगेईने दुसरे तर इथोपियाच्या मिगेरटूने तिसरे स्थान मिळविले.