कोल्हापूर प्रतिनिधी
कोल्हापूर उत्तर विधानसभेसाठी आज मोठ्या चुरशीने मतदान पार पडलं. जवळपास ३५८ मतदान केंद्रावर हि प्रक्रिया पार पडली. सकाळी सात वाजल्यापासून या मतदान प्रक्रियेला सुरवात झाली. सकाळच्या सत्रात मतदारानी संथ गतीनं मतदान केलं. तर दुपारनंतर मतदान केंद्राबाहेर रांगा लागल्या होत्या. तर केंद्राबाहेर काँग्रेस आणि भाजपच्या कार्यकर्त्यांनी गर्दी केली होती. आज सायंकाळी पाच वाजेपर्यंत कोल्हापूर उत्तर विधानसभेसाठी सरासरी ५५.२७ टक्के मतदान झालं..२ लाख ९१ हजार ७९८ पैकी १ लाख ६१ हजार २८९ इतकं मतदान झालं. तर दिवसभरात ६१ टक्क्यांपेक्षा अधिक मतदान झाल्याचा अंदाज व्यक्त करण्यात येत आहे. १५ उमेदवारांचे भवितव्य ईव्हीएम मशीन मध्ये लॉक झालं असून येणाऱ्या १६ एप्रिल रोजी मतमोजणी प्रक्रिया पार पडणार आहे. त्यामुळं राज्याचं लक्ष या निकालाकडं लागलं आहे.