कोल्हापूर : प्रतिनिधी
राधानगरी धरणाचे आज अखेर पाच स्वयंचलित दरवाजे खुले झाले झाले आहेत. तथापि, सर्व दरवाजे खुले झाल्याच्या खोट्या बातम्या पसरवल्या जात आहेत. नागरिकांनी अफवांवर विश्वास ठेवून घाबरु नये, प्रशासनाच्या सूचनांचे पालन करावे” असे आवाहन पाटबंधारे विभागाचे (उत्तर) कार्यकारी अभियंता रोहित बांदिवडेकर यांनी केले आहे.
राधानगरी धरणाचे आतापर्यंत एकूण 5 दरवाजे (3, 4, 5, 6, 7) उघडले आहेत.या पाच स्वयंचलित दरवाज्यातून 7 हजार 140 क्यूसेक व पाॅवर हाऊसमधून 1600 क्यूसेक असा एकूण 8 हजार 740 क्यूसेक्स विसर्ग सुरु आहे. प्रशासनाच्या वतीने आवश्यक ती सर्व खबरदारी घेण्यात येत असून नागरिकांनी सहकार्य करावे, असे आवाहन पाटबंधारे विभागाच्या वतीने अभियंता रोहित बांदिवडेकर यांनी केले आहे.