शिरोळ, प्रतिनिधी
Shirol Rain Upadate : शिरोळ व परिसरात गुरुवारी मध्यरात्रीच्या सुमारास विजेच्या कडकडाटात वादळी वारासह अवकाळी पावसाने झोडपून काढले या अवकाळी पावसामुळे गहू, हरभरा , शाळू, भाजीपाल्याचे मोठ्या प्रमाणात नुकसान झाले आहे. तर दुसरीकडे ऊस पिकासाठी हा पाऊस उपयुक्त झाला आहे.
शिरोळ व परिसरात गुरुवारी रात्री अडीच ते तीन वाजण्याच्या सुमारास प्रचंड विजेचा कडकडाट जोरदार वाऱ्यासह अवकाळी पावसाने झोडपून काढले. सुमारे अर्धातासाहून अधिक पाऊस पडत होता. पावसाने वीज पुरवठा खंडित करण्यात आला होता. काही ठिकाणी झाडे उमलून पडली होती, झाडाच्या फांद्या तुटून पडल्याने विजेच्या तारा रस्त्यावर पडल्या होत्या. वेळीच वीज पुरवठा खंडित केल्याने जीवित हानी झाली नाही.
गेले पंधरा दिवस झाले प्रचंड उष्माने नागरिक हैराण झाले होते. या अवकाळी पावसामुळे हवेत गारवा निर्माण झाला या अवकाळीमुळे हाता तोंडाला आलेला गहू व शाळू पिकाचे मोठ्या प्रमाणात नुकसान झाले आहे. तसेच प्रचंड वादळ व विजेच्या कडकटांनी परिसरात भीतीचे वातावरण निर्माण झाले होते. चालू वर्षी प्रथमच अवकाळीने जोडपून काढल्याने नागरिकांतून समाधान व्यक्त केले जात आहे.
Previous Articleअंबाबाई मूर्ती संवर्धनाची माहिती प्रथम न्यायालयाला द्यावी
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.