कोल्हापूर प्रतिनिधी
मित्रांसोबत पार्टी करून घरी परतत असताना चालकाचा मोटारीवरील ताबा सुटून भीषण अपघात झाला. यामध्ये दोघे जण जागीच ठार झाले तर अन्य दोघे गंभीर जखमी झाले. राजारामपुरीत राहणारा 24 वर्षीय शुभम हेमंत सोनार, शंतनू शिरीष कुलकर्णी ( वय 29 रा.मोरेवाडी ) यांचा जागीच मृत्यु झाला. तर सौरभ रवींद्र कणसे, संकेत बाळकृष्ण कडणे, हे दोघे गंभीर जखमी झाले आहेत. शनिवारी मध्यरात्रीच्या सुमारास पूईखडी घाटामध्ये हा अपघात झाला.