वृत्तसंस्था/ लंडन (ब्रिटन)
डब्ल्यूटीए टूरवरील शनिवारी येथे झालेल्या 2022 च्या इस्टबोर्न ग्रासकोर्ट महिलांच्या आंतरराष्ट्रीय टेनिस स्पर्धेत झेक प्रजासत्ताकच्या पेत्र क्विटोव्हाने एकेरीचे जेतेपद मिळविताना विद्यमान विजेत्या ओस्टापेंकोचा पराभव केला.
विम्बल्डन ग्रॅण्डस्लॅम टेनिस स्पर्धेपूर्वीची ही शेवटची सरावाची स्पर्धा होती. शनिवारी झालेल्या महिला एकेरीच्या अंतिम सामन्यात क्विटोव्हाने ओस्टापेंकोचा 6-3, 6-2 अशा सरळ सेट्समध्ये पराभव केला. क्विटोव्हाचे डब्ल्यूटीए टूरवरील हे 29 वे विजेतेपद असून गेल्या वर्षभराच्या कालावधीतील तिचे हे पहिले अजिंक्यपद आहे. क्विटोव्हाने यापूर्वी दोनवेळा विम्बल्डन स्पर्धा जिंकली आहे. क्विटोव्हा आता विम्बल्डन स्पर्धेत सहभागी होणार आहे.