Tarun Bharat

Lakhimpur Kheri: प्रियंका गांधींच्या खोलीबाहेर ड्रोन? छत्तीसगढच्या मुख्यमंत्र्यांनी शेअर केला व्हिडिओ

उत्तर प्रदेश/प्रतिनिधी

उत्तर प्रदेशातील लखीमपूर खेरी (Lakhimpur Kheri) येथील हिंसाचारात चार शेतकऱ्यांसह आठ जणांचा बळी गेल्यामुळे सोमवारी देशभरात तीव्र पडसाद उमटले. शेतकऱ्यांसह (Farmer) विरोधक आक्रमक झाले आहेत. दरम्यान लखीमपूर खेरी प्रकरण आणि त्या संबंधित बाधित कुटुंबांना भेटण्यासाठी चाललेल्या काँग्रेस नेत्या प्रियंका गांधी यांना पोलिसांनी ताब्यात घेतले आहे. प्रियांका गांधी (priyanka gandhi) गेल्या २८ तासापासून पोलिसांच्या ताब्यात आहेत. आता प्रियंका गांधींना ताब्यात घेऊन ज्या खोलीत ठेवण्यात आलं आहे, त्या खोलीबाहेर ड्रोन (Drone) फिरताना दिसत आहे. असा व्हिडिओ छत्तीसगढचे मुख्यमंत्री भुपेश बघेल यांनी शेअर केला आहे.

छत्तीसगढचे मुख्यमंत्री भुपेश बघेल (Bhupesh Baghel Chief minister of Chhattisgarh) यांनी आपल्या ट्विटर अकाऊंटवरुन हा व्हिडिओ शेअर केला आहे. या व्हिडिओसोबत त्यांनी लिहिलं आहे की, ३० तासांहून अधिक काळापासून पोलिसांच्या ताब्यात असलेल्या प्रियंका गांधींच्या खोलीबाहेर हा कोणाचा ड्रोन आहे आणि तो का आहे? उत्तर कोण देईल?

दरम्यान प्रियंका गांधी यांनीही ट्वीट करत पंतप्रधान नरेंद्र मोदींना सवाल केला आहे. “नरेंद्र मोदीजी (Narendra Modi Prime Minister of India) तुमच्या सरकारने कोणत्याही आदेश किंवा एफआयआरशिवाय मला गेल्या २८ तासांपासून ताब्यात ठेवलं आहे. अन्नदाताला चिरडणारी ही व्यक्ती अद्याप अटकेत नाही. का?,” अशी विचारणा प्रियंका गांधी यांनी केली आहे. यावेळी त्यांनी ट्वीटमध्ये त्या दिवशी झालेल्या घटनेचा व्हिडीओ शेअर केला आहे.

Related Stories

राष्ट्रव्यापी एनआरसीचा निर्णय अद्याप नाही

Patil_p

PM नरेंद्र मोदींच्या अध्यक्षतेखाली नीती आयोगाची बैठक; तेलंगणा-बिहारचे मुख्यमंत्री गैरहजर

Archana Banage

आता 21 ऐवजी 3 दिवस ड्राय डे

datta jadhav

टोलवसुलीची व्यवस्था बदलणार

Patil_p

प्राप्तीकर विवरणपत्राच्या कालावधीत पुन्हा वाढ

Patil_p

प्रत्येक व्यवसायाचे देशविकासात योगदान

Patil_p