वार्ताहर/ वाठार किरोली
नागझरी ता. कोरेगाव येथील जिल्हा परिषद शाळेच्या खोल्यावरील पत्र्याची पाने वादळी वायामुळे उडून गेली . नागझरीसह परिसरात सुसाट वादळी वारे सुटल्याने नागझरी शाळेचे मोठय़ा प्रमाणात नुकसान झाल्याची माहिती नागझरी गावचे लोकनियुक्त सरपंच जितेंद्र भोसले यांनी दिली.
गेले दोन दिवस ऊन पावसाचा खेळ सुरू आहे तसेच विजांचा लखलखाट ही सुरू आहे अशातच बुधवारी पाचच्या दरम्यान सुसाटय़ाच्या वायासह पाऊसास सुरुवात झाली पण पाऊस कमी वारे जास्त अशातच जिल्हा परिषद शाळेवरील पत्रे उडून गेल्याने शाळेचे नुकसान झाले. शाळेला सुट्टी असल्याने मोठा अनर्थ टळला. तसेच आजूबाजूला शाळेच्या परिसरात कोणी नसल्याने ही मोठी दुर्घटना टळली.