अक्कलकोट प्रतिनिधी
अक्कलकोट तालुक्यातील एका गावात चिंचेच्या झाडाला प्रेमी युगल अज्ञात कारणाने गळफास घेण्याचा प्रयत्न केला त्यात तरुणाचा गळफासने मृत्यू झाला तर मुलगी मात्र वाचली आहे. ही घटना सकाळी १० च्या सुमारास उघडकीस आली. भीम लक्ष्मण जाधव वय १८ वर्षे असे मयत तरुणाचे नाव आहे.
याबाबत पोलीस सूत्रांकडून मिळालेली माहिती अशी की, तालुक्यातील एका गावात चिंचेच्या झाडाला प्रेमी युगुलांनी ओढणीच्या साहाय्याने गळफास घेण्याचा प्रयत्न केला. यामध्ये ओढणी निसटून हे दोघेही झाडाखाली पडलेल्या अवस्थेत दिसून आले. त्यामध्ये भीम लक्ष्मण जाधव या तरुणाचा गळफास ने जागेवरच जीव गेला होता त्यामुळे उपचारांपूर्वीच डॉक्टरांनी मृत घोषित केले. मात्र सोबतची मुलगी मात्र बचावली असून तिच्यावर उपचार चालू आहेत. अशी फिर्याद तरुणाच्या मामांनी अक्कलकोट उत्तर पोलीस ठाण्यात दिली आहे. या घटनेचा पुढील तपास पोहेकॉ महादेव चिंचोळकर हे करीत आहेत.