विधान परिषदेचे विरोधी पक्षनेते प्रवीण दरेकर यांचा आरोप
प्रतिनिधी/चंदगड
धनदांडग्यांसाठीच महाविकास आघाडी सरकार ओबीसी आरक्षणाकडे दुर्लक्ष करत आहे. मध्यप्रदेश सरकार ओबीसी आरक्षण देण्यासाठी सकारात्मक निर्णय घेऊ शकतेय. पण राज्यातील महाविकास आघाडीचे सरकार गप्प का? असा आरोप विधान परिषद विरोधी पक्षनेते प्रवीण दरेकर यांनी केला.
भाजपा नेते शिवाजीराव पाटील यांच्या इनाम सावर्डे येथील निवासस्थानी त्यांनी सदिच्छा भेट दिली. त्यावेळी ते बोलत होते.
प्रवीण दरेकर पुढे म्हणाले, मध्यप्रदेश सरकारने ओबीसी आरक्षणाबाबत सकारात्मक निर्णय घेत आरक्षण दिले आहे. राज्यातले महाविकास आघाडी सरकार मात्र फक्त दिखाऊपणा करत आहे. आतातरी महाविकास आघाडी सरकारने ओबासी आरक्षण मिळवून देऊन आपली भूमिका पार पाडावी, असे आवाहन त्यांनी केले. यावेळी माजी राज्यमंत्री भरमू पाटील, भाजपा तालुकाध्यक्ष नामदेव पाटील, जिल्हा सरचिटणीस रविंद्र बांदिवडेकर, सुरेश सातवणेकर, सुनील काणेकर, अशोक कदम, तुकाराम बेनके उपस्थित होते.