Tarun Bharat

सीमाप्रश्नावरील सुनावणी लांबणीवर

सर्वोच्च न्यायालयात सुरू आहे दावा; उद्याच्या सुनावणीबाबतही अस्पष्टता

नवी दिल्ली, कोल्हापूर- प्रतिनिधी

महाराष्ट्र-कर्नाटक सीमाप्रश्नावर सर्वोच्च न्यायालयात असलेल्या दाव्यावरील सुनावणी लांबणीवर पडली आहे. बुधवारी (दि. 30 नोव्हेंबर) सुनावणी होणार होती. पण एक न्यायमूर्ती उपस्थित राहू न शकल्याने सुनावणी होऊ शकली नाही. दरम्यान, आज गुरूवारीही सुनावणी होणार नसल्याचे स्पष्ट झाले असून शुक्रवारी सुनावणी होणार की नाही? याबाबत संदिग्धता आहे. आज गुरूवारी सर्वोच्च न्यायालयाच्या प्रशासनाकडून शुक्रवारी स्पष्टता होण्याची शक्यता आहे.

सध्या सर्वोच्च न्यायालयाच्या घटनापीठापुढे तमिळनाडूतील बहुचर्चित जलीकट्टू खेळाच्या संदर्भातील याचिकेवर सुनावणी सुरू आहे. सोमवारपासून सलगपणे सुनावणी सुरू झाली आहे. या दाव्यातील सुनावणीत असणारे एक न्यायाधिश सीमाप्रश्नाच्या दाव्यातील खंडपीठात न्यायाधिश आहेत. जलीकट्टूच्या सुनावणीमुळे ते सीमाप्रश्नाच्या सुनावणीत सहभागी होऊ शकलेले नाहीत. बुधवारी ते अनुपस्थित राहिल्याने सुनावणी होऊ शकली नाही. गुरूवारीही जलीकट्टूच्या याचिकेवरील सुनावणी चालणार आहे. त्यामुळे सीमाप्रश्नाच्या दाव्याची सुनावणी गुरूवारी होणार नसल्याचे स्पष्ट झाले आहे. दरम्यान, शुक्रवारी सुनावणी होणार की नाही? याबाबतची स्पष्टता आज गुरूवारी होऊ शकते. ही स्पष्टता झाली नाही तर सुनावणी अनिश्चित काळासाठी पुढे जाऊ शकते, अशी माहिती सूत्रांनी दिली.

Related Stories

विधानपरिषद निवडणुकीत मतदान न करणाऱ्या ‘त्या’ आमदारांवर कारवाई करा; पृथ्वीराज चव्हाण यांची मागणी

Kalyani Amanagi

कुपवाडच्या प्रभाग आठमधील खारेमळा परिसर अंधारात

Abhijeet Khandekar

जमखंडी येथे रक्तदान शिबिर

Patil_p

Kolhapur : अंबाबाई दर्शन पेडपास प्रकरण न्यायालयात

Abhijeet Khandekar

BMC चा मोठा निर्णय; पहिली ते चौथीचे वर्ग बंदच राहणार

datta jadhav

शिवशक्ती- भीमशक्तीची अखेर घोषणा; लोकशाही टिकवण्यासाठी एकत्र- उद्धव ठाकरे

Abhijeet Khandekar