वृत्तसंस्था/ मुंबई
आगामी इंडियन सुपर लीग फुटबॉल हंगामासाठी फ्रान्सचा फुटबॉलपटू 32 वर्षीय जेरेमी मेंझोरोने मुंबई सिटी एफसी संघाबरोबर नवा करार केला आहे. मुंबई सिटी संघाच्या वरिष्ठ अधिकाऱ्याने मंगळवारी ही माहिती दिली.
मेंझोरो आणि मुंबई सिटी यांच्यात हा एक वर्षाचा करार झाला आहे. गेल्या वर्षीच्या इंडियन सुपर लीग हंगामात मेंझोरोने जमशेदपूर एफसी संघाकडून खेळ करताना 6 गोल नोंदविले होते. फ्रान्सच्या मेंझोरोने आपल्या वरिष्ठ व्यवसायिक फुटबॉल कारकिर्दीला स्टेड रिमेस क्लबकडून प्रारंभ केला होता. त्याने आतापर्यंत 14 विविध फुटबॉल क्लब बरोबर करार केला आहे.