वार्ताहर/ कोयनानगर
कोयना धरण परिसराला शुक्रवारी पहाटे भूकंपाच्या सौम्य धक्क्मयाने हादरवून टाकले. शुक्रवार 28 रोजी पहाटे सकाळी 6 वाजून 34 मिनिटांनी हा धक्का जाणवला. भूकंपमापन केंद्रांवर या भूकंपाच्या धक्क्याची तीव्रता 2.8 रिश्टर स्केल एवढी नोंदली गेल्याची माहिती कोयना भूकंप प्रशासनाने दिली. भूकंपाच्या केंद्रबिंदूचे अंतर कोयना धरणापासून 12 किलोमीटर अंतरावर हेळवाक गावच्या नैऋत्येस 5 किलोमीटर इतकी नोंद झाली आहे. दरम्यान, सध्या कोयना धरण पूर्ण क्षमतेने भरलेले असून या भूकंपामुळे कोयना धरणाला कोणताही धोका झाला नसून धरण सुरक्षित असल्याचा निर्वाळा कोयना धरण व्यवस्थापनाकडून देण्यात आला.