मुंबई/प्रातिनिधी
वफ्फ बोर्ड आणि मुस्लिम आरक्षणाच्या प्रमुख मागण्यासाठी काल मुंबईत चांदिवली सभास्थळी घेण्यात आली. या सभेतून असदुद्दीन ओवैसी यांनी विरोधकांवर जोरदार निशाणा साधला. ओमिक्रॉनच्या पार्श्वभूमीवर मुंबईत जमावबंदी लागू करण्यात आली होती. मात्र तरी देखील असदुद्दीन ओवैसी यांनी आपली सभा घेतल्याने आता आयोजकांवर गुन्हा दाखल करण्यात आला आहे. परवानगी नसताना AIMIM च्या कालच्या कार्यक्रमाचं आयोजन केले म्हणून ५ आयोजकावर साकीनाका पोलिसांनी गुन्हा नोंदवला आहे.