परळी : वार्ताहर
मंगळवारी दुपारी सज्जनगडच्या नजीक असलेल्या रामघळ परिसरात बछडा खेळत असताना आढळला होता. वन अधिकाऱ्यांनी बछड्याला वन हद्दीत ठेवून त्याच्या आईची भेट घडवून आणण्यासाठी विशेष मोहीम केली. आणि अखेर त्यांची भेट झाली.
या मोहिमेलाठी रेस्क्यू टीम तयार करण्यात आली होती. त्या परिसरात छुपे कॅमेरेही लावण्यात आले होते. बछड्याला खुराड्या ठेवण्यात आले होते. रात्री पावणेदहाच्या दरम्यान मादी बिबट्या अंदाज घेत आपल्या बछड्याजवळ आली आणि अलगद उचलून बछड्याला घेऊन गेली. वनपाल डॉक्टर निवृत्ती चव्हाण यांच्या सहकारी टीमने सापळा रचून बछडा व आईची भेट घडवून आणली.