वृत्तसंस्था/ नवी दिल्ली
मोटोरोला कंपनी आपल्या नवनव्या स्मार्टफोन्सच्या लाँचिंगवर भर देत असून येणाऱया काळामध्ये मोटोरोला आपला नवा मोटो जी 73 हा स्मार्टफोन भारतामध्ये लाँच करणार आहे. दरम्यान कंपनीने दिलेल्या माहितीनुसार सदरचा फोन हा येत्या 10 तारखेला लाँच होऊ शकतो. सदरच्या फोनची किंमत साधारणपणे 26 हजार रुपयांच्या घरात असू शकते, असे सांगितले जात आहे.
प्रसिद्ध केलेल्या एका टीझरमध्ये या संदर्भातली माहिती देण्यात आली आहे. जी 73 हा 6.5 इंचाच्या आयपीएस एलसीडी डिस्प्लेसह येणार असून यात मीडियाटेक डायमनसिटी 930 चिपसेट असणार आहे. 8 जीबी रॅम व 256 जीबी अंतर्गत स्टोरेजसह हा फोन उपलब्ध केला जाणार असून 50 मेगापिक्सलचा प्रायमरी कॅमेरा 16 मेगापिक्सलचा सेल्फी कॅमेरा यात आहे. सदरचा फोन हा अँड्रॉइड 13 ऑपरेटिंग सिस्टीमवर चालणार असून हाताळण्यासाठी सुविधाजनक असणार असल्याचेही सांगितले जात आहे. बॅटरी ही 5000 एमएएच क्षमतेची असेल.
6.5 इंचाचा आयपीएस एलसीडी डिस्प्ले
5000 हजार एमएएचची दमदार बॅटरी
50 मेगापिक्सलचा प्रायमरी कॅमेरा
8 जीबी रॅम व 256 जीबी स्टोरेज
किंमत 26 हजार रुपयांच्या घरात