बेळगाव : केएलएस गोगटे कॉलेज ऑफ कॉमर्सच्या माजी विद्यार्थी संघटनेची बैठक नुकतीच के. के. वेणुगोपाल सभागृहात पार पडली. बी.कॉम., बीबीए, बीसीए व एम.कॉम.च्या माजी विद्यार्थ्यांना आमंत्रित केले होते. प्रमुख पाहुण्या म्हणून कॉलेजच्या माजी विद्यार्थिनी व खासदार प्रियांका जारकीहोळी यांना निमंत्रित केले होते. जीसीसीचे अध्यक्ष ए. के. तगारे व संचालक मंडळाच्यावतीने प्रियांका यांचा सत्कार करण्यात आला. प्रारंभी प्रा. दीपा तंगणकर यांनी स्वागत व पाहुण्यांचा परिचय करून दिला. प्रियांका यांनी विद्यार्थी कल्याणावर आपले लक्ष नेहमी असेल, असे सांगून सत्काराबद्दल आनंद व्यक्त केला. या बैठकीत बीकॉमच्या समन्वयक प्रा. नयना रायचूर, बीबीएचे समन्वयक प्रा. राहुल कामुले, बीसीए समन्वयक डॉ. अस्मिता देशपांडे, एम.कॉम. समन्वयक डॉ. एस. व्ही. जवळकर, शिक्षक व कर्मचारी उपस्थित होते. माजी विद्यार्थ्यांच्या सांस्कृतिक कार्यक्रमाने बैठकीची सांगता झाली.
Previous Articleशहरात मोहरम सण उत्साहात
Next Article बेळगावला विशेष औद्योगिक दर्जा मिळेल
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.