रोहित कदम, धनंजय नामजोशीची जीवनदायी रूग्णसेवा : साडेपाचशे गंभीर रूग्णांना जीवदान : समाजातील युवकांच्या माध्यमातून जोडली रक्ताची नाती
कोल्हापूर/संग्राम काटकर
रुग्णाच्या रक्तात प्लेटलेटस् (रक्तबिंबिका) कमी झाल्याने रोगप्रकारशक्ती घटली आहे. प्लेटलेटस् तातडीने आणा, असे डॉक्टरांनी सांगितल्यानंतर रुग्णाच्या नातेवाईकांची पळापळ सुरू होते. दिवस असो वा रात्र नातेवाईकांकडून प्लेटलेटस्चा शोध सुरू होतो. हा शोध आता कोल्हापूरकरांसाठी संकटकाळात काहीसा थांबला आहे. तातडीने प्लेटलेटस् मिळून रुग्णाचे प्राण वाचावेत, या तळमळीने जवाहरनगरातील रोहित कदम व शिवाजी पेठेतील धनंजय नामजोशी हे देघे कार्यरत आहेत. रोहित यांनी आजवर चारशेहून अधिक तरुणांच्या माध्यमातून प्लेटलेटस् देऊन रग्णांना जीवदान देण्याचे काम केले आहे. नामजोशी यांनीही तरुणांच्या माध्यमातून 137 जणांना प्लेटलेटस् मिळवून देत रुग्णांना आधार दिला आहे.
डेंग्यू, पॅन्सर, लेफ्टो, मलेरिया, ओपन हार्ट सर्जरी, लहान बाळावरील शस्त्रक्रिया, अपघात व शरीराला भाजणे या सर्व प्रकारात रग्ण गंभीर झाला की, शरीरातील प्लेटलेटस्ची संख्या तीन चार लाखावरून 10 ते 15 हजारांपर्यंत खाली येते. त्यामुळे संबंधित रूग्णाची इम्युनिटी पॉवर अर्थात प्रतिकारशक्ती कमी होते. त्याचा परिणाम प्रकृती खालावण्यावर होतो. अशा संकटकाळात प्लेटलेटस् चढविणे हाच रूग्णाला स्थिर करण्याचा आणि वाचविण्याचा एक उपाय असतो. यासाठी सिंगर डोनर (एक प्लेटलेटस् दाता) लागतो. असा डोनर शोधणे कठिण जाते. त्यावर मार्ग काढण्याचे भारतीय सैन्यदलात नायक म्हणून कार्यरत असलेले रोहित कदम यांनी ठरविले. त्याची सुरूवात त्यांनी सहा वर्षांपूर्वी SDP रक्तदाता कोल्हापूर हा व्हॉटस् ऍप ग्रुप बनवला. अडीच वर्षांपूर्वी धनंजय नामजोशी यांनी बल्ड @24-7 SDP हा व्हॉटस् ऍप ग्रुप तयार केला. या ग्रुपमध्ये फक्त दिवसाच नव्हे तर रात्री-अपरात्री ही गरजू रुग्णांना प्लेटलेटस् देण्याची तयारी दर्शवतील, अशाच तरुणांना सहभागी केले. त्यामुळेच आजमितीला कदम यांच्या ग्रुपमध्ये रक्तगटनिहाय प्लेटलेटस् देणारे 100 जण तर नामजोशी यांच्याही ग्रुपमध्येही रक्तगटनिहाय 397 जण प्लेटलेटस् देणारे सहभागी आहेत.
शिवाय ग्रुपची माऊथ पब्लिसिटी व्हावी, यासाठी कदम व नामजोशी यांनी मित्र व नातेवाईकांना प्लेटलेटस् संदर्भातील आपल्या व्हॉटस् ग्रुपची माहिती सांगितली. प्लेटलेटस्ची गरज भासल्यास आम्हाला फेन करा, ग्रुपच्या माध्यमातून प्लेटलेटस् मिळवून देऊ असे सांगितले. या दोघांच्या आवाहनाला उदंड प्रतिसाद लाभला. ज्यांना गरज होती, त्यांना लाभ झाला. ज्यांना लाभ झाला, त्यांनी या ग्रुपची प्रसिद्धी केली. त्यामुळे प्रतिसाद वाढत गेला. प्लेटलेटस् देणारे दातेही गुपमध्ये जॉईन झाले. प्लेटलेटस् देण्यासाठी रक्तपेढीत जाऊ लागले. तेव्हापासून आजतागायत प्लेटलेटस् देण्याचे काम अव्याहतपणे विमामोबदला सुरुच आहे.
माणसाच्या रक्तात प्लेटलेटस, प्लाझ्मा, पांढऱया-लाल रक्तपेशी (पीसीव्ही) आणि होल ब्लड असे घटक मिळतात. यापैकी प्लेटलेटस् फायबरच्या मदतीने शरीरात व बाहेर होणारा रक्तस्त्राव थांबवण्याचे काम करतात. रुग्णाची प्रतिकारशक्तीही वाढवून जीवदान देतात.
बाबासाहेब आघाव (क्लॉलिटी मॅनेजर:अर्पण ब्लक बँक)
सहा वर्षापूर्वी गरज असलेल्या रूग्णांना आपणच प्लेटलेटस् मिळवून देण्याचे काम सुरु करु असे वाटले. मित्रांशी चर्चा करुन त्यांना प्लेटलेटस् देण्यास तयार करु लागलो. त्यांनी सकात्मकतता दाखविल्यानेच गेल्या 6 वर्षात चारशेहून अधिक रुग्णांना प्लेटलेटस् मिळवून देऊ शकलो.
रोहित कदम (संस्थापक:थॅलेसेमिया निर्मुलन असोसिएशन)
प्लेटलेटस म्हणजे काय, त्याचा काय उपयोग होतो, याची माहिती ग्रामीण जनतेला समजावी, यासाठी गावागावात जनजागृती सुरु ठेवली आहे. आजवर 17 गावा पॅम्प आयोजित करुन ग्रामस्थांना प्लेटलेटची माहिती दिली. धोत्री गल्लीतील युवक धनंजय पाडळकर हे पॅम्पमधील ग्रामस्थांना प्लेटलेटस्ची माहिती देत असतात.
धनंजय नामजोशी (अध्यक्ष : फाईट अगेस्ट थॅलेसेमिया ऑर्गनायझेशन)